انجمن شاعران ایران
درباره سایت
آخرین مطالب
امکانات وب
جفا ائتمه نیگاریم،کؤنلۆمۆ گل ائتمه ویرانه
تۆکندی طاقتیم ای نازنین،سوْن قوْی بو هیجرانه
گئجه گۆندۆز یانار کؤنلۆم،گۆلۆم نار فراقیندن
چیخاتما یاددان ایلقاری،یئتیر بو قهری پایانه
بونو بیل ظلم ائدیرسن عاشیقه،هیجران و قهر ایله
مسلماندا مگر ظلم ایله یر بیله،مسلمانه؟
بو پوْزغون حالیله محزون دوْلاننام ائل آراسیندا
یاناللار حالیمه،هم آشنالر،هم ده بیگانه
یا شیرین سن منه عشق عالمینده یا کی لیلاسن
منی گاه ائتمیسن فرهاد،گاه مجنون دیوانه
نه فرهاد قالدی دنیاده،نه شیرین و نه ده لیلا
نه ده مجنون،کی اونلاردان قالیبدیر تکجه افسانه
بو دنیا قیلماییب هئچ کیمسه یه بیر آن وفا ای گؤل
نه نوحه قالدی بو دنیا،نه ده قالدی سلیمانه
جوان عؤمرون کئچر بیر گۆن گؤررسن ناتوان اوْلدون
همان دم ده گؤررسن شمع عؤمرون چاتدی پایانه
عزیزیم دنیا بیر منزلدی اوْتراق ایله ییب هامی
بونو درک ایله یر،هرکس اوْلا،انسان فرزانه
سن ایله من ده بیر گۆن یۆک چاتیب کؤچ ایله ریک بوردان
یوْل اوسته قهر شایسته دییل ای نازلی دردانه
مگر حکم ازلدور،یا مۆقددردور،کی دنیاده
سالا معشوقه لر عاشیق لری حال پریشانه؟
یاراتدی عشقیله حیی توانا کل دنیانی
کی اینسانلار یاخیندی عشقیله،خللاق سبحانه
اگر عشق اولسا قلبینده،داها چیرکینلیگه یئر یوخ
اوْلارسان قهره،خشم و نفرته،عشقیله بیگانه
محبت دیر،وفادیر،عشق دیر اینسالیغا باغلی
بولار گر اوْلماسا اینساندا،بنزه ر آیری حیوانه
دویا هر کس وفانی،عشقی،عهدیندن بیر آن دؤنمز
محبت وارسا قلبینده،وفا ائت عهد و پیمانه
گؤررسن بۆلبۆل شیدا گۆله خاطیر غزلخواندی
یانار بس کی طواف ایلر شام اطرافیندا،پروانه
سنی تانری یاراتمیش، گول منی بیر بولبول شیدا
گولوم سنده وفا ایله بو شیدای غزلخانه
دایاننام کوی عشقینده،نئجه کی دورموشام ایللر
روادیر بوندان آرتیق،عاشقین،آه ایله افغانه؟
اوره کده وار اۆمیدیم چوْخ،بو هیجراندا چاتار باشه
یقینیم وار کی عاشیق سن، اوره ک چاتمیش بو برهانه
زمانه امما چیرکینلیگله چکمیش پرده بو عشقه
دئییم لعنت اوْلا بیله زمانه،بیله دوْرانه
دایاننام عهدیمه باغلی،یاییندیرماز منی دوْران
سنون عشقینده،اوغروندا،دایاننام مرد مردانه
تۆکندی طاقتیم ای نازنین،سوْن قوْی بو هیجرانه
گئجه گۆندۆز یانار کؤنلۆم،گۆلۆم نار فراقیندن
چیخاتما یاددان ایلقاری،یئتیر بو قهری پایانه
بونو بیل ظلم ائدیرسن عاشیقه،هیجران و قهر ایله
مسلماندا مگر ظلم ایله یر بیله،مسلمانه؟
بو پوْزغون حالیله محزون دوْلاننام ائل آراسیندا
یاناللار حالیمه،هم آشنالر،هم ده بیگانه
یا شیرین سن منه عشق عالمینده یا کی لیلاسن
منی گاه ائتمیسن فرهاد،گاه مجنون دیوانه
نه فرهاد قالدی دنیاده،نه شیرین و نه ده لیلا
نه ده مجنون،کی اونلاردان قالیبدیر تکجه افسانه
بو دنیا قیلماییب هئچ کیمسه یه بیر آن وفا ای گؤل
نه نوحه قالدی بو دنیا،نه ده قالدی سلیمانه
جوان عؤمرون کئچر بیر گۆن گؤررسن ناتوان اوْلدون
همان دم ده گؤررسن شمع عؤمرون چاتدی پایانه
عزیزیم دنیا بیر منزلدی اوْتراق ایله ییب هامی
بونو درک ایله یر،هرکس اوْلا،انسان فرزانه
سن ایله من ده بیر گۆن یۆک چاتیب کؤچ ایله ریک بوردان
یوْل اوسته قهر شایسته دییل ای نازلی دردانه
مگر حکم ازلدور،یا مۆقددردور،کی دنیاده
سالا معشوقه لر عاشیق لری حال پریشانه؟
یاراتدی عشقیله حیی توانا کل دنیانی
کی اینسانلار یاخیندی عشقیله،خللاق سبحانه
اگر عشق اولسا قلبینده،داها چیرکینلیگه یئر یوخ
اوْلارسان قهره،خشم و نفرته،عشقیله بیگانه
محبت دیر،وفادیر،عشق دیر اینسالیغا باغلی
بولار گر اوْلماسا اینساندا،بنزه ر آیری حیوانه
دویا هر کس وفانی،عشقی،عهدیندن بیر آن دؤنمز
محبت وارسا قلبینده،وفا ائت عهد و پیمانه
گؤررسن بۆلبۆل شیدا گۆله خاطیر غزلخواندی
یانار بس کی طواف ایلر شام اطرافیندا،پروانه
سنی تانری یاراتمیش، گول منی بیر بولبول شیدا
گولوم سنده وفا ایله بو شیدای غزلخانه
دایاننام کوی عشقینده،نئجه کی دورموشام ایللر
روادیر بوندان آرتیق،عاشقین،آه ایله افغانه؟
اوره کده وار اۆمیدیم چوْخ،بو هیجراندا چاتار باشه
یقینیم وار کی عاشیق سن، اوره ک چاتمیش بو برهانه
زمانه امما چیرکینلیگله چکمیش پرده بو عشقه
دئییم لعنت اوْلا بیله زمانه،بیله دوْرانه
دایاننام عهدیمه باغلی،یاییندیرماز منی دوْران
سنون عشقینده،اوغروندا،دایاننام مرد مردانه
برچسب:
نویسنده: محمد رضا جوادیان