دومانلیق گجه

ینه سنسیز له میشم غملی یامانلیق گئجه ده

سنی هئچ کیمسه گورممز بو دومانلیخ گئجه ده
گل گوروم من سنی بو دردلی قارانلیق گئجه ده

گل بو اولموش کونولی بیر گئجه لیخ سن شاد اله

بو گئجه اصلی سن اول من کی ورولموش کرمم

بو یانیخ دفتریمه سن غزل اولسان ، قلمم

سنه فرهاد اولاراق داش کسرم داغ سوکرم

گل بو یانلیز قارا یانمیش اوره گی بیر یاد اله

گل بو سونموش ایشیقی قلبیمه یاندیر نه اولور

گل بوسینمیش قدحی بیر گئجه دولدور نه اولور

گل دا گل بسدی دا گل ،گل منی اولدور نه اولور

اولدوروپ غصه وغم نن منی سن آزاد اله

بولورم گلمیه جاخسان ،اومودوم اولدو دا هئچ

اولرم سونرا گلرسن دا زامان چوخ اولی گئچ

بوغروردان یارانان ترسه عناد لیخ یولی گئچ

گل بو وصلین باهارین تبریزیمه فریاد اله

الیمی آل الیوه قوی بو سویوخ جان قیزیشا

بوپوزولموش باخییشم قویما دا آرتیخ قیریشا

سوگیلر قوی قووشا ،لیلی و مجنون وریشا

گل کول اولموش وجودی سن یئنی دن آباد اله

سنه لایق یازیرام ترکی بو ابیات حزین

سنه تقدیم اولاجاخ کل بو اشعار وزین

گل گولومسه منه ،سن وئر بو هدایا عوضین

باشقا بیر تحفه یوخوم دور بونی منن آد اله