***یاندیم بونو داندیم سنه خاطیر سنه خاطیر***

یانسین قلمین بختیمی قاره چکن ایلدن
گوز یاشیمی گوزدن اتگه سن توکن ایلدن
یانسین قلمین قدیمی غمنن بوکن ایلدن
یاندیم بونو داندیم سنه خاطیر سنه خاطیر

ایلار بویو ارزومدو سینم اوسته داش اولسون
غملر منه مهمان اولاراق گوزده یاش اولسون
هئچ من دئمدیم سوگیمه گوز اوسته قاش اولسون
یاندیم بونو داندیم سنه خاطیر سنه خاطیر

گور بیر نه بوکوبدی منی غملر ،سنی داندیم
گور بیر نئجه اودلاردا آلیشدیم نئجه یاندیم
ائتدین منی مجنون کیمی چوللرده دولاندیم
هر کیمسه نی داندیم سنه خاطیر سنه خاطیر

گلدین یئنه دردیم اوره گیمده هاوالاندی
گلدین یئنه دردین اود اولوب سینه ده یاندی
گتسون دئمرم قال گئجه میز دای یاریلاندی
یاندیمدا،دایاندیم سنه خاطیر سنه خاطیر