انجمن شاعران ایران
درباره سایت
آخرین مطالب
امکانات وب
*** یاغ ائله شورون قیمتی بیر اولان یئردن قاچ ***
ائلیمیزده بیر مثل وار کی، دئییر: " بیر یرده کی یاغ ائله شورون قیمتی بیر اولسا، او یئردن قاچ".
ایندیسه بو مثلین کؤکو و منشایی بارهده ماراقلی بیر احوالات موجوددورکی، سیزه تقدیم ائدریک.
دئییر گونلرین بیرینده اؤلکه حکمداری اؤز وزیرینی یانینا چاغریب، اونا بئله بیر مصلحت وئریرکی، سن قوجالیب، الدن دوشوبسن، ایشه –گوجه یارامیرسان، یاخشی بودور کی، مملکتی ترک ائده سن زحمتیوه گؤره سنه بیر قول (نوکر) باغیشلاییرام. وزیر داها بیر سؤز دئمه ییر، بو آدامی گؤتوروپ، یولا دوشور. اونلار آز گئدیر، یوز گئدیر، دره – تپه دوز گئدیر، نهایت گلیرلر بیر یئره چاتیرلار، گؤرورلرکی، بوردا یاغ ائله شورون قیمتی بیردیر. اونا گؤره قولا دئییر:
- گل بوردان گئدهک، بورادا یاغ ائله شورون قیمتی بیر اولدوغونا گؤره بوردا قالماق اولماز.
آنجاق قول قبول ائتمیر. وزیر چوخ دئییر، قول آز ائشیدیر. آخیردا قول وزیری اؤلومله هده له ییر. وزیر اؤز طالعینه باش اییب، بورادا قالماغا راضی اولور. اونلار بو مملکتین باش کندینه (پایتختینه) داخل اولورلار. اونلار شهرین مرکزینه چاتاندا باخیب گؤرورلر، شهرین مرکزینده دار آغاجی قورولوب، اورایا چوخلو آدام ییغیشیب، بیرینی ده چکه – چکه آپاریرلار دارآغاجینا، بو آدام آغلایا- آغلایا دئییرکی:
- والله منیم گناهیم یوخدور، من ائوی ائله بیر مرتبه لی تیکیردیم، بونو اوستا اؤزو تیکیب.
بو سؤزو ائشیدهن اؤلکه پادشاهی امر وئردیکی، بینانی تیکن اوستانی گتیرسینلر اوستا گرک ایضاح ائله سین کی، ائوی نییه ایکی مرتبه لی تیکیب اوغرودا ییخیلیب، قیچی سینیب، اونا گؤره اوستا جاواب وئرمه لی دیر. امر شاه امری ایدی. تئزلیکله اوستا گلیر و اونا دئییرلرکی، سن ائوی نییه ایکی مرتبه لی تیکیبسن، اوغرودا اورایا اوغرولوق ائلهمک اوچون گئدیب، ییخیلیب قیچی سینیب. اوستا اونلارین جوابیندا دئییر:
- والله ائوی تیکدیرهن دوز دئییر، او یازیق ائله ائوی بیر مرتبهلی تیکدیریردی من باعث اولموشام ائو ایکی مرتبه اولسون.
دئییرلر:
- هه گناه سنده دیر، گرک دار آغاجینا گئده سن.
اوستا بیر دار آغاجینا باخیر و بیرده اؤلکه باشچیسینا تئز اؤزونو ایتیرمهدن دئییر:
- منیم ده گناهیم یوخدور. بونا باعث فلانکسین قیزی اولوب، او قیز گونده ایکی دفعه گلیب اوردان کئچدی. من ده او قیزا باخییب، بیردن گؤردوم، ائوی ایکی مرتبهیه قالدیرمیشام.
گئدیرلر قیزی گتیریرلر و قیزا دئییرلرکی، سن او یئردن گونده ایکی دفعه کئچیبسن، اوستانین فیکری سنده اولوب ائوی ایکی مرتبهیه قالدیریب، اوغرودا دیواردان آشاندا ییخیلیب قیچی سینیب. گرک اؤلومه گئده سن. قیز دئییر:
- منیم بو ایشده گناهیم یوخدور، بونون باعثی درزی (خیاط) دیر، منیم دونومو نئچه واختدیر تیکیب، قورتارمیر، من گونده اونون یانینا گئتمه لی اولموشام.
ال اوستو درزینی (خیاطی) چاغیریرلار دئییرلر:
- گناهلارین هامیسی سنده دیر، گرک سنی آساق.
بونو دئییب، ایپی درزینین بوغازینا سالیرلار، گؤرورلر ایپ درزینین بوغازینا یئرلشمیر. چونکی، درزینین بوینو بوتودایمیش، گؤردولر بونو آسماق اولمویاجاق. درزییه دئییرلر:
- بو باخانلارین ایچیندن بیرنفری تاپ سنین یئرینه اونو آساق.
درزی اویان – بویانا باخیب، گؤرور، بیرنفر وارکی، اونون یئرینه بونو آسماق یاخشی اولار. بو آدام کیم اولا، همن وزیر ائله قول. قولو توتوب، ایپی اونون بوینونا سالماق ایسته ینده وزیر اؤلکه باشچیسینا دئییر:
- اونون یئرینه منی آسین.
حکمدار دئییرکی، بو ایشی نه اوچون گؤرورسن. وزیر دئییر:
قبله عالم ساغ اولسون. من بیلیره م کی بو اؤلومدن سونرا، او دونیایا گئدیب، ابدی پادشاه اولماق ایسته ییرم.
وزیرین بو سؤزو بو اؤلکه نین باشچیسینی بتر توتور. ابدی حکمدارلیق آرزوسو ایله، ایپی وزیردن آلیر کئچیریر اؤز بوینونا و دار چکن آداما دئییرکی اؤز ایشینی گؤرسون. چونکی او ایستهییر بو آسیلماقلا، ابدی حکمدارلیغا چاتسین. امر حکمدار امریایله تئز یئرینه یئتیریلیر و اؤلکه پادشاهی اوغرونون یئرینه آسیلیر و ابدی پادشاه اولماق طاماحیایله اؤلور.
وزیر قولا دئییر:
- گؤردون، سنه دئمدیم کی، بوردا یاغ ایله شورون قیمتی بیردی بوردا قالماق اولماز، سن ائله گؤردون کی، اؤلوم بیزیم قاپیمیزی دؤیدو.
دئییرلر:
بو احوالات، وزیری قووان پادشاهین قولاغینا چاتیر، وزیر آغیل ذکاسینا احسن دئییر، اونو یئنیدن وزیرلیگه چاغیریر.
***
سلام و خسته نباشید به دوستان عزیزم
ترجمه فارسی قصه رو بزودی برای شما میذارم. ممنون از محبت همه شما .
ائلیمیزده بیر مثل وار کی، دئییر: " بیر یرده کی یاغ ائله شورون قیمتی بیر اولسا، او یئردن قاچ".
ایندیسه بو مثلین کؤکو و منشایی بارهده ماراقلی بیر احوالات موجوددورکی، سیزه تقدیم ائدریک.
دئییر گونلرین بیرینده اؤلکه حکمداری اؤز وزیرینی یانینا چاغریب، اونا بئله بیر مصلحت وئریرکی، سن قوجالیب، الدن دوشوبسن، ایشه –گوجه یارامیرسان، یاخشی بودور کی، مملکتی ترک ائده سن زحمتیوه گؤره سنه بیر قول (نوکر) باغیشلاییرام. وزیر داها بیر سؤز دئمه ییر، بو آدامی گؤتوروپ، یولا دوشور. اونلار آز گئدیر، یوز گئدیر، دره – تپه دوز گئدیر، نهایت گلیرلر بیر یئره چاتیرلار، گؤرورلرکی، بوردا یاغ ائله شورون قیمتی بیردیر. اونا گؤره قولا دئییر:
- گل بوردان گئدهک، بورادا یاغ ائله شورون قیمتی بیر اولدوغونا گؤره بوردا قالماق اولماز.
آنجاق قول قبول ائتمیر. وزیر چوخ دئییر، قول آز ائشیدیر. آخیردا قول وزیری اؤلومله هده له ییر. وزیر اؤز طالعینه باش اییب، بورادا قالماغا راضی اولور. اونلار بو مملکتین باش کندینه (پایتختینه) داخل اولورلار. اونلار شهرین مرکزینه چاتاندا باخیب گؤرورلر، شهرین مرکزینده دار آغاجی قورولوب، اورایا چوخلو آدام ییغیشیب، بیرینی ده چکه – چکه آپاریرلار دارآغاجینا، بو آدام آغلایا- آغلایا دئییرکی:
- والله منیم گناهیم یوخدور، من ائوی ائله بیر مرتبه لی تیکیردیم، بونو اوستا اؤزو تیکیب.
بو سؤزو ائشیدهن اؤلکه پادشاهی امر وئردیکی، بینانی تیکن اوستانی گتیرسینلر اوستا گرک ایضاح ائله سین کی، ائوی نییه ایکی مرتبه لی تیکیب اوغرودا ییخیلیب، قیچی سینیب، اونا گؤره اوستا جاواب وئرمه لی دیر. امر شاه امری ایدی. تئزلیکله اوستا گلیر و اونا دئییرلرکی، سن ائوی نییه ایکی مرتبه لی تیکیبسن، اوغرودا اورایا اوغرولوق ائلهمک اوچون گئدیب، ییخیلیب قیچی سینیب. اوستا اونلارین جوابیندا دئییر:
- والله ائوی تیکدیرهن دوز دئییر، او یازیق ائله ائوی بیر مرتبهلی تیکدیریردی من باعث اولموشام ائو ایکی مرتبه اولسون.
دئییرلر:
- هه گناه سنده دیر، گرک دار آغاجینا گئده سن.
اوستا بیر دار آغاجینا باخیر و بیرده اؤلکه باشچیسینا تئز اؤزونو ایتیرمهدن دئییر:
- منیم ده گناهیم یوخدور. بونا باعث فلانکسین قیزی اولوب، او قیز گونده ایکی دفعه گلیب اوردان کئچدی. من ده او قیزا باخییب، بیردن گؤردوم، ائوی ایکی مرتبهیه قالدیرمیشام.
گئدیرلر قیزی گتیریرلر و قیزا دئییرلرکی، سن او یئردن گونده ایکی دفعه کئچیبسن، اوستانین فیکری سنده اولوب ائوی ایکی مرتبهیه قالدیریب، اوغرودا دیواردان آشاندا ییخیلیب قیچی سینیب. گرک اؤلومه گئده سن. قیز دئییر:
- منیم بو ایشده گناهیم یوخدور، بونون باعثی درزی (خیاط) دیر، منیم دونومو نئچه واختدیر تیکیب، قورتارمیر، من گونده اونون یانینا گئتمه لی اولموشام.
ال اوستو درزینی (خیاطی) چاغیریرلار دئییرلر:
- گناهلارین هامیسی سنده دیر، گرک سنی آساق.
بونو دئییب، ایپی درزینین بوغازینا سالیرلار، گؤرورلر ایپ درزینین بوغازینا یئرلشمیر. چونکی، درزینین بوینو بوتودایمیش، گؤردولر بونو آسماق اولمویاجاق. درزییه دئییرلر:
- بو باخانلارین ایچیندن بیرنفری تاپ سنین یئرینه اونو آساق.
درزی اویان – بویانا باخیب، گؤرور، بیرنفر وارکی، اونون یئرینه بونو آسماق یاخشی اولار. بو آدام کیم اولا، همن وزیر ائله قول. قولو توتوب، ایپی اونون بوینونا سالماق ایسته ینده وزیر اؤلکه باشچیسینا دئییر:
- اونون یئرینه منی آسین.
حکمدار دئییرکی، بو ایشی نه اوچون گؤرورسن. وزیر دئییر:
قبله عالم ساغ اولسون. من بیلیره م کی بو اؤلومدن سونرا، او دونیایا گئدیب، ابدی پادشاه اولماق ایسته ییرم.
وزیرین بو سؤزو بو اؤلکه نین باشچیسینی بتر توتور. ابدی حکمدارلیق آرزوسو ایله، ایپی وزیردن آلیر کئچیریر اؤز بوینونا و دار چکن آداما دئییرکی اؤز ایشینی گؤرسون. چونکی او ایستهییر بو آسیلماقلا، ابدی حکمدارلیغا چاتسین. امر حکمدار امریایله تئز یئرینه یئتیریلیر و اؤلکه پادشاهی اوغرونون یئرینه آسیلیر و ابدی پادشاه اولماق طاماحیایله اؤلور.
وزیر قولا دئییر:
- گؤردون، سنه دئمدیم کی، بوردا یاغ ایله شورون قیمتی بیردی بوردا قالماق اولماز، سن ائله گؤردون کی، اؤلوم بیزیم قاپیمیزی دؤیدو.
دئییرلر:
بو احوالات، وزیری قووان پادشاهین قولاغینا چاتیر، وزیر آغیل ذکاسینا احسن دئییر، اونو یئنیدن وزیرلیگه چاغیریر.
***
سلام و خسته نباشید به دوستان عزیزم
ترجمه فارسی قصه رو بزودی برای شما میذارم. ممنون از محبت همه شما .
برچسب:
نویسنده: محمد رضا جوادیان